Onyń basty taqyryby – Qazaqstannyń ońtústik astanasynyń ınvestısııalyq tartymdylyǵyn arttyrý.
Forýmda 7 paneldik sessııadaǵy pikirtalastar uıysdastyrylady. Oǵan 500-den astam adam — iri álemdik jáne qazaqstandyq kompanııalardyń, mınıstrlikterdiń, qarjy ınstıtýttarynyń basshylary jáne halyqaralyq uıymdardyń ókilderi, t.b. qatysady.
«Atalǵan forýmnyń maqsaty – bıznesti damytýdy yntalandyrý, Almatyǵa sheteldik ınvestorlardy tartý jáne jańa jumys oryndaryn ashý. Almaty shetelden kelgen ınvestorlar úshin eń tartymdy óńirlerdiń biri boldy jáne bolyp qala beredi. Almaty Investment Forum — bul Almaty kásipkerleri men áleýetti ınvestorlar dıalog ornatýǵa, qyzyqtyratyn suraqtar men qoıylǵan mindetterdi sheshý joldaryn talqylaýǵa múmkindik beretin alań», – deıdi forým uıymdastyrýshylary.
Talqylanatyn taqyryptarǵa Almatynyń ınvestısııalyq tartymdylyǵy, «aqyldy qala» tujyrymdamasyn qoldaný nysandary men qurylys materıaldarynyń ekologııalyq qaýipsizdigine jańa talaptar men qala qurylysyna ınnovasııalyq kózqarastar áserinen ózgeretin jyljymaıtyn múlik naryǵyndaǵy úrdister kiredi.
Jańa Jibek jolyndaǵy kólik-logıstıkalyq ortalyq pozısııasyn kúsheıtýi tıis. Almatynyń ınfraqurylymdyq damýy talqylaýdyń jeke taqyryby bolady. Almaty Investment Forum 2019 sessııasy aıasynda Almatynyń jańa halyqaralyq týrızm ortalyǵy retinde tusaýkeseri josparlanǵan.
Innovasııalyq damý máselesi dóńgelek ústel formatyna shyǵarylyp otyr: IT-bıznes kapıtandary men sarapshylar Almatydaǵy startaptar men ınnovasııalardyń bolashaq ósý sektorlaryn talqylaıdy. Forým sessııalarynda bedeldi saıasatkerler, belgili ekonomıster men qarjygerler, álemdik startap-jobalardyń negizin qalaýshylar jáne jergilikti think-tank ókilderi sóz sóıleıdi.
Almaty Investment Forum 2019 hedlaınerleri – Túrkııanyń burynǵy vıse-premeri Mehmet Shımshek, McKinsey jahandyq ınstıtýtynyń basshysy Djonatan Votsel, TiE Global qaýymdastyǵynyń prezıdenti Sharma Mahavır Pratar, ortalyq jáne Shyǵys Eýropa, Ortalyq Azııa elderi boıynsha Nokia vıse-prezıdenti Mıkko Lavantı, Katar Saýda-О́nerkásip palatasynyń vıse-prezıdenti Mohammed Bın Taýar Al-Kavarı, sondaı-aq jetekshi qazaqstandyq kompanııalardyń top-menedjerleri.
Forým baǵdarlamasynda kommersııalyq kelisimderge qol qoıý rásimi de josparlanǵan.
ALMATY